Winnipeg! Explore “The Speech Act Project”

Ryan Gorrie

Bizindaadiwag (É natotátocik) (2022)

Michelle Jean Park, 65 Granville Street, Winnipeg Mb

Itatoskéwin Ésinákatániwak

Anima “Bizindaadiwag” é itócikániwak óma óhi ká isi nanátok Ininíwi píkiskwániwaki ta tápitawi pétákoki éko mína ta takoki nántaw ité ispík natawénitákokwaki. Ékota ké oci minopanik kita pétákoki é ayamítonániwak nanátok é yá itátwáskínétwáki éko pá pakán ta yá ititákosicik. Éko mína ta takok ité awiyak ká nóté éko kakwé kiskénitak ininíwi píkiskwéwin tapé itotét tapé apit tapé natotak ékotowa, apók ékosi ta isi píkiskwéyan wéká kita kakitotacik kotakak ininiwak wístawáw ékosi ká isi natonikécik ta kiskénitakik ékwéniw. Ininíwi píkiskwéwin anima ániské pimátisímakan, oníkihikowak é kiskinawámaháwácik ocawásimisiwáwa, inikok ká oci nitáhikicik isko táti póni pimácihonániwak.

Anima táspasinahikéwin ékota nókonwa níso tétapiwina nanátok é yá ispícíspáki, péyak anima awásis éko anima kotak awiyak ásay kákí kísi opikit. Ésinísiki anihi tétapiwina yá itápékamona anihi épétákoki nanátok ininíwi píkiskwéwina éko énókotániwak éyako éwáwákinákoki ta isinákoki anta mostaskamik. Anima ká wáwákinákok kiskinówasinahikan éyako énókotát óhi ki méskanánáni kipimácihónani oci éko anihi tépakop nókotáwina é masinástayak óhi nanátok ká ati itátisiyak óma inikok ká isko pimátisiyák. Anihi ká tá tipiskóc itáspasinahikátéki ékwani anihi é nókotát anihi ki píkiskwéwináni ésinákotániwaki mwéci ki tacakonaw ká ayamit isinákon. Acák kikí ís takosininánaw óta askík ékwáni ké isi nakataskéyak acák.

Anima “Bizindaadiwag” éyako páki anta oci Speech Act Project ká itakik éko é nócitácik óhi kí kiskénitákoki anihi Ininíwi píkiskwéwina éko ésíkimicik ókik ininiwak kita natotakik éko ékota ta ati oci kiskénitakik askínin. Píkiskwéwin wina móna piko ta moci pétákosit awiyak káwí itwét, máka misiwé ayamiwina ita takonwa, étápwétamonániwak éko kayité pimácihona nisitotamona wina inikok kita minowícéwikosiyak óma óta kakinaw awiyak éko kékwán kákí nitáhikitániwak.

Otáspasinahikéw oci

Ryan Gorrie awa ké isinákotát wáskahikana éko ótáspasinahikéw éko isi tipénitákosiw Bingwi Neyáshi Anishinaabek. Ryan awa tapitawi nócitaw ta nokótat Ininíwi pimácihona anté isi é ápacitat éyako kiskénitámona otátoskéwinik ta ositat kékwána énokótaniwak ininíwin ispík mána óma ká ositacik misti wáskahikana wéká nanátok osicikéwina.

Nókohtáwina misiwé – SpeechTrails (2022)

Link for SpeechTrails app (Designed for Apple products): https://apps.apple.com/ca/app/speech-trails/id1634475365

Poko ispí kita kí-nókwana kita kí-kwayask kinawápahcikátéki. Nika wíci atoskáténán pítos nókohtáwi ápacihtáwina poko ité kita nókwahki akwa kita péhtákwahki kayási ácimowina. Namóna céskwa nawasónikátéw wínawin. Kita nókwana kiskinohtahikanihk óho ácimowina akwa mína ité ká-ohcímakahki, poko ispí, é-kískiká ahpo é-tipiskák. Nókohtáwina anihi wíhcikátéw kisáspin óma ácimowin, masinipéhikan, nikamon, awéka pítos ininwi wíhtamákéwin. Ninatwéniténán ininiwi ayamihcikéwin kita nówahk misiwé wanawítimihk akwa ita méskanáwa ká-ihtakwahki.

Wihtamákéwin Isihcikéwina (2021-2022)

Mwéhci Ké-Tócikaték

Itáwinihk Mitéwi Ininiwi Masinástéwin (Urban Shaman Gallery), akwa Wínipék Méskanása (Winnipeg Trails  Association) kí-wíci-níkánískamwak kita awasimé pimácihtániwahki akwa mína ápatahki Ininiwi ayamiwina, ékota ohci kita kiskéwnihtákwahki, kahkinaw awiyak ácimowinihk akwa masinahikéwinihk. Kahkinaw ayamiwina páhpítos isi wíhcikémakana tápwéhtamowina, kiskénitamowina, iténitamowina, akwa kékwán ká-ohci itwániwahki. Awiyak otayamowin, otitwéwin wíhcikémakaniw é-isi-mámitonénihtahk akwa mína nókohtáw otiténitamowina anima ká-mohci tótahk poko. Óma wanasowéwi isihcikéwinis, ápacihtáw masinahipéhikana kita wíhtahk ininiw okiskénihcikéwin akwa éká kita wanihtácik animéniw ininiwi otayamowiniwáwá.

Nanáskomáwak owícihiwéwak… Canadian Heritage – Indigenous Languages and Cultures Program – Indigenous Languages Component, The Trans Canada Trail , The Asper Foundation, First Unitarian Universalist Church of Winnipeg, Government of Canada, Tokyo Smoke in the Exchange