Kayask Ácimowin

Kákí mácitániwak 1996 éko winawáw anikik Ininiwak kí paminamwak anima nókotáwikamik, Urban Shaman, ká itakik: Anohc ká kísikák ká nókotániwaki nanátok itowa táspasinahikéwina Contemporary Aboriginal Art (US) wésám piko anihi itowa kákí ositácik éko kita ánimótakik anohc Ininiwak, Ápitawikosisának éko Inuit ká iticik kapétácik óta. Anima US níkánakisowak óma ékoté péyakóyik ohi nisto osci ité Ininiwak ká wápatiniwécik otáspasinahikéwina éko mína é ayamihistamawácik ité éko itowa óta misiwéskamik ká tasi nocicikaniwaki Ininíwi táspasinahikéwin. Inikok anihi óta ká tasi nócitániwaki wéká nántaw kékwán pakánta ité ká tasi ositániwak, é atoskátániwaki, US óki tápitaw awasimé oski kékwána máci paminamwak éko nanátok misiwé ékwéniw é isi wítakik éko é isi wápatinwécik-éko mína anté isi ká nókopaniki ki masinahikéwina (urbanshaman.org, stormspirits.org, conundrum.ca), éko mína anihi itáwinik ká tasikikátéki máti ké minopaniki éko ké kaskitániwaki kita mino ápataki. US ókik tápitawi kócitáwak kita nókotácik anihi nanátok itowa Ininíwi táspasinahikéwina kiyám piko tánisi ké isi ositániwaki wéká ké isinákoki, ké yá ispícáki éko kékwána óma oci anohc ká kísikánik ká átotakik ta nókotiniwécik.

Óma nititénitamowinan ká isi nócicikéyak óta US kita paminamak anihi táspasinahikéwina kiyám piko inikok ké isi nanahétákoninik anihi ká nócitácik éko ké isinákoninik, énókotácik anihi ká ati oski mácitánit otáspasninahikéwa wéká ásay anikik kayásk óma kákípé isi nócicikécik kita osci pimácihocik éko táti níkániy nákacitácik nawac, éko kita tápitawi itócikániwaki ékwéniw. Ité ká nócitániwaki nistom isi pimácihona, mistahi nitisi wícihiwánán óma kita nókotániwaki anihi nanátok itowa táspasinahikéwina éko anihi ité itáwinik ká ocímakaki. US ókik tápitawi mawinéskamwak óma tánisi éténitakik kékwán anima “Ininíwi Táspasinahikéwin” ká itakik, éko mína écikénitakok óhi kayité kékwána ká má mínicik, US óki tápitaw óté níkániy kinawápatamwak ékwanik ókik nanátok otáspasinahikéwak ékosi óma kinowés kita itótakik.