Biindigebii’idizowin

MAIN GALLERY
MARVIN FRANCIS MEDIA GALLERY
AND (Artist New Dimension) GALLERY

Gagiiginigeng/gegoon ji-biindigebii’igewaad igi ge-waabanda’iwewaad gaa-ozhitoowaad, bigo ezhigaabawiwaad. Gaa-niigaan abid ogagiiginaanan ge-waabanda’iweng, aaniin enendang ezhinaagwakin, waabanda’iweng noongom Anishinaabe mazinichigewin. Niwaabanda’iwemin bebakaan mazinichiganan abooshke ini ge-zaaminigaadgiban, enaabanda’iweng gegoon/oshki-aya’ii, gegoon gaye ge-dibaajimokaadegiban. Urban Shaman megwaa odayaanaawaan niswewig ningoji ge-waabanda’iwengiban gegoon. Mangidawaag 3000 sq. ft inigokwaa, iwe Marvin Francis Media Art Gallery 300 sq. ft inigokwaa zhigwa 250 sq. ft gaa-inigokwaag* New Dimension (Zhigwa) Gallery ijigaade. Gakina omazinichigeg diba’amawaawag onji CARFAC ji-biindigewaad, mii-go eta gaawiin 50-500 gaa-dagwiiwaad.

Oga-diba’anaawaa’ Urban Shaman ji-izhinigaadenigin omazinichiged odoozhichganiwaan, agwaji-oodenaang onji, endaso-giizhig da-diba’amawaawag, ningoji ji-izhiwinindwaa, zhigwa ji-wiijiwindwaa ji-onachigaadenigin odoozhichiganiwaan. Nindoonatoomin gaye ji-babizindawindwaa omazinichigeg, ji-waabanjigaadegin mazina’iganan, maagoniganing gaye etegin, gakina ono diba’igaadewan, ji-gaagiigidod gaye awiya. Niniigaanatoomin ini mayagendaagwakin ozhichiganan. Abooshke gaye igi gaa-nagajitoowaad, ji-minwaabanjigaadenigin gaa-gii-ozhitoowaad.

Daabida baakisin ji-biindigebii’igepan awiya, ji-izhinizha’amawind gaa-niigaaniid

Director
Urban Shaman: Contemporary Aboriginal Art
203-290 McDermot Avenue,
Winnipeg, MB, R3B 0T2

Gemaa ganoozh Director
Daina Warren daina@urbanshaman.org

Gigisidoon ono:

• Ekidod omazinichige (1-2 paragraphs)
• Artist Resume / C.V. (1 – 2 pages)
• Artist Proposal
  waa-doodang, dago gaye aaniin minik ji-dawaanig ge-andawendang, ge-aabajitood gaye (1-2 paragraphs) ji-ozhibii’ang
• Ge-aabajichigaadeg
  Digital – 10 akoo 20 mazinichiganan noomaya’ii gaa-gii-zhitooyan. Ji-minosegin imaa MAC maagoniganing 72 dpi, 1024 x 768 pixel, 500k, RGB Audio/Visual inaateseg – gego awashime 10 minutes da-akwaasinoon. Iwe URL – eta daa-aabajichiged maagoniganing eta onji ji-waabanjigaadeg. Gegoon ozhibii’igaadegin, gemaa ge-wiiji’iwemagakin (maagizhaa).
  Gwayak niibidebii’an aaniin ji-izhi-waabanjigaadegin gegoon, ji-biminizha’igaadeg aaniin endoodamaang gegoon.
• Ge-aabadakin ji-izhinizha’igaadegin maagoniganin daabishkoo WeTransfer gemaa Dropbox gaa-ijigaadegin GEMAA michi-izhinizha’an. Dagotoon iwe S.A.S.E ) (ozhibii’igaadeg aandi wenjiseg) giishin gaye neyaab ji-azhegiiwe-izhinizha’amaagooyan.

Geyaabi noonde-gikendaman gegoon, giigidon 204.942.2674 gemaa maagoniganing info@urbanshaman.org.

Gikendan: gaawiin ji-anaamimad Urban Shaman gegoo wanitooyan. Giishpin gaye noonde-diba’aman ji-azhegiiwenizha’igaadeg gegoo, gaawiin da-maajiinizha’igaadesinoon.