Kwayaadinikewinan

MAIN GALLERY
MARVIN FRANCIS MEDIA GALLERY
AND (Artist New Dimension) GALLERY

Bimoojikewinik/Waweninikewinik kaa-iishi bimisek iiwe oji kaabaabimi miikwewaaj Kaakakiidawidodamowaaj, waabadahiiwewinik kaadibaajidamowaaj naanda kaa-ohkwiiniwaaj. Waabadahiiwewinanwaweninikaadewan iimaa oji Owawenahjikewinini iiweni oji kaayabiiji mashkawisiimakaninik awe okakiidaawidodamowinini egwa kaa-iishi naabisenik iiweni misiwe biko  kaa-iishi kikenjikaadek nookom Anishininiiwi Kakiidaawidodamowinan. Nidoonahtominan mishiin nookom kakiidaawidodamowinan iikweniwan kaye niishin egwa nishin kaa-iishi naakwakin oshjikewinan, masinaahtehsjikewinan/oshki masinaahtehsjikewinan egwa kaa-iishi bimondisinaaniwak kaawijisek kakiidaawidodamowin. Odenaak Kayaash Anishininiiwimashkikiwinini mekwaaj odayaanaawaan nihsin kaadashidibaajijikaadenikin waabadahiiwewikamikoon. Okweniwan kaye 3000 kakake misit mayaam dahiiwewikamikok, 300 kakake misit Marvin Francis masinaahtehsjikan kakiidaawidodamowin waabadahiiwewikamikok egwa 250 kakake misit Okakiidaawewidamo oshki iishinaakojikewin (AND) Waabadahiiwewikamik. Kakina okakiidaawidodamook dibahamwaakanowak kaa-iishi onahtek iimaa CARFAC kaa-iikitomakak ke-iishi dibahiikenaaniwak onasinahiikewin iiwe ehta kaawin mekwaaj iimaa dahsoyahki niyaanomidana minikok niyaanwaa midaasomidana kaawijidibendaakosinaaniwak kaadasinaaniwak waabadahiiwewinik. 

Odenaak Kayaash Anishininiiwimashkikiwinini okwayaadinanaawaa iishinshahiikewinan/bimojikewinan iikweniwan oshibiihikanan, akwajiik odenaak kaawijisewaaj okakiidaawidodamook nikwayaadinamwaaminak dahsokiishikaa miijimik dibahiikewin, okakiidaawidodamook obimishkaawiniwaak, egwa kedashi wawenahtowaajin egwa dawinamowaajin waabadahiiwewinan. Niwiijidwaamin kaye mishiiniwayek debwe widamaakewinan egwa masinahiikewinan iishiijikewinan iimaa oji okakiidaawidodamaakek ayamihiidowinik, maawajihiidowinik, masinahiikewinik egwa mamaataawaabikok aabajijikewinan. Okakiidaawidodamaakewinini, omasinahiikewinini egwa kanaanaabasinahiikadekin kaadibahiikaadekin iimaa ojidibahiikaadewan babaamidebwe wiidamaakewinan iishiijikewinik. Nikijiinendamowininaanan asijise iimaa kaa-iishi bimonaakanowaaj okakiidaawidodamook odanohkiiwiniwaan iimaa kaawijisenik kakwejidowinaak kaa-iishinaakwaninik egwa kaa-iishi aabajijikaniwaninik, iikweniwan oji kaayani mohkiiwaaj egwa kaadebinamaasiwaaj okakiidaawidodamok odanohkiiwiniwaan kaanaakwaninikin ekijinakajidowaaj, kaakiishikij ododamowinik, egwa kaakiji anohkaadakin.

Moshkinebiihiikanan widaapinikaadewan kaa-iishi bimisek egwa miikwewinan da-iishinshahiikaadewan iimaa: 

Owawenahjikewinini
Odenaak Kayaash Anishininiiwimashkikiwinini: Nookom Anishininiiwi Kakiidawidodamowin
203-290 McDermot Avenue,
Winnipeg, MB, R3B 0T2

Naanda kanoosh Owawenahjikewinini
Daina Warren daina@urbanshaman.org

Ashidinanin okweniwan:

• Okakiidaawidodamaakewinini Odihkidowin (1 – 2 wiidamaakewasinahiikanehsan)
• Okakiidaawidodamaakewinini Owiidamaakowasinahiikan / C.V. (1 – 2 masinahiikinoon)
• Okakiidaawidodamaakewinini omoshkinebiihiikewin
  Ashidinanin aan minikok dawisakaa egwa aabajijikanan nadawendaakwakin egwa wiidan jinaakwak iiwe moshkinebiihiikewin ik anohkiiwin (1 – 2 wiidamaakewasinahiikanehsan)
• Wiijijikewi aabajijikanan
  
  Jakaadehsjikanan – 10 to 20 jakaatehsjikanan iiwe moshkinebiihiikewin naanda nookomiike anohkiiwin. Jakaatehsjikanan iimaa dawijisewan MAC mamaataawaabikok jinaabisek dibiminikok ke-iishi bayatenakwak 72 dpi, 1024 x 768 jiyabiijaak, 500k, RGB kaanoodaakwak/kaanaakwak – Kaawin awashime midaaso dibahiikanehs minikok jibimbidek. URL– iiwe ehta aabajise iimaa oshibiihiikewinik mayaam kaa-iishi wishjikaadekin iiwe oji mamaataawaabikok ke-iishi achikaadekin.  Kaanaabasinahiikaadekin kekonan – Kaamasinahiikaadekin, kaadibaajijikaadekin, naanda kodakiyan kaawiijijikemakakin kekonan  (kishpin wiidodaman). Kejinaaj kakina kaawiijijikemakakin kekonan kwayak jikikinawaadasinahiikaadekin kaayaniishi bimikanawaabajikaadekin egwa ebiminshahiikaadekin kaakiishi wawenahtoyaakin miikwewinan ke-iishi kikinawabajikaadekin.
• kaawiijijikemakakin kekonan dakii iishinshahiikaadewan iimaa wahkwiikaak mamaataawaabikok iishinshahiikewi bimojikewinik dokaan WeTransfer naanda Dropbox, NAANDA iimaa masinahamaado bimojikewinik. Ashidinan S.A.S.E. (Kiin kikabeshowinik jikwayaajidibahiikaadek masinahiikaniikiniwash) kishpin nadawendaman jibikiiwenshahamaakoyan kidayaanan iimaa masinahamadowin bimojikewinik.

Kiyaabij kekoon wiikikendaman bikanoonshinaam iimaa 204.942.2674 naanda mamaataawaabikok masinahamaadowinik info@urbanshaman.org.

Kaawin mishimiwewin: Odenaak Kayaash Anishininiiwimashkikiwinini kaawin jikanawaabamikosij kekonan kaawanihjikaadekin. Egwa Kaye, kiishpin ega debiminikok dibahiikaadekwen iiwe kiin kikabeshowinik masinahamaadowin ke-iishinshahiikaadek, kaawin kekonan dakiiwe iishinshahiikaadewan.