Pímastéhikéwin Kayité Kiskénimisowina

Artist(s): Otáspasinahikéwak: Angela George, Chief Janice George & Buddy Joseph, Dawn Livera & Adrienne Neufeld, Krista Point, Nadia Sajid, Ruth Sheuing, Shamina Senaratne, Michelle Sirois Silver, Debra Sparrow, Robyn Sparrow, Mary Lou Trinkwon, Doaa Jamal, Damian John, Sholeh Mahlouji, Michelle Nahanee, gaye Kit Walton

Start: June 19, 2020 12:00 pm

End: August 1, 2020 12:00 am

Galleries: Main

Pímastéhikéwin Kayité Kiskénimisowina

Opáskawi Písim 19 isko Opahowi Písim 1, 2021

Ká wícéwákanimácik aniki Vancouver Biennale, ká níkáni wápatiniwét Zarina Laalo, ká nókotániwaki kákí koyátastát Lori Lai

Anikik Vancouver Biennale kita nókotáwak ta wápatiniwécik anima Pímastéhikéwin Kayité Kiskénimisowina ká itakik óté misiwé ité askík, éko ta níkánístaniwak ékwéni anikik Urban Shaman Contempory Aboriginal Art Gallery ká iticik.

Anikik Pímastéhikéwin Kayité Kiskénimisowina natonamwak nanátok kayité kiskénitákosowin éko nanátok itátisiwin ákótowina éko é ápacitácik kayité pímastéhikéwin ékosi óma ta isi ácinókécik.

Otáspasinahikéwak éko anikik pímastéhikéwak anté oci Vancouver akámaskík kákí ocícicik ókik Muslims ká iticik éko anikik Coast Salish Ininiw itáwina éko ékota óhi Musqueam Squamish, Tsleil-Waututh, éko Tl’azt’enkí mámawíwak ta mámawi pímastéhikéyakik mítátat é apisásiki “cíkanwapi-anáskéwina” éko ité ékí oci kakwéskinawápatakik anihi Islamic itowa ininiwak ká ápacitácik óma mána ká ayamiyácik éko anihi Anisinápéwa itowa ká níwékotéki pímastéhikéwina.

Anihi pímastéhikéwina énókotániwaki anihi ká kisténitákoki, é mámawi ánimócikátéki anihi mino kakécihitowina aniskémákéwin oci, éko ká mámawícik ta minwáwacikátéki ékotowa kiskénitamona, kiskinowasinahikan éko ká isi péyako-nókotáyan awina óma kína é ápacitáyan anihi pímastéhikéwina.

Óma miscéti-nókotáwin nócicikéwin ékoma óma páki anima Vancouver Biennale’s 2018-2020 táspasinahikéwina isinikátamówina, “re-IMAGE-n”.