Pimáci séwinákanak, kwéstáci naméwak, akwa nisowanáci címána

Niski Písim mitátaht néwosáp  isko Aníki Písim níso-mitanaw tépakohposáp askiy 2023

Mácipaniki niyánowi kísikáw, Niski písim mitátaht néwosáp, niyánan isko kékác mitátahht ispanici písimohkán

Opimátisiwin

Richard Asham kí-pé-kiskinwáhamásow misiwé- tówihkán masinipéhikana,.Osám poko iténimisow é-ohcít óta Omaskékowak. Ité isi poko mámitonénitahk, ékota ohci osihtáw kékwániw ká-wí- masinipéhahk (osám poko pimiy é-ápacihtát pakwánénihk, akwa mína asici píwohkocikana). Kí-osihtáw átiht masinahikana, kí-kitohcikéw, kí-cikástéhcicikéw, akwa mína kí-itasíhkéw.

Wíhtamákéwin

É-wí-isi-wíhtamán, pimáci séwinákanak, kwéstáci naméwak, akwa nisowanáci címána. páhpítos ni-tisi-itwéstamowátén.Tápiskóc óho iténitamowina.

• Pimáci séwinákanak-misiwé isi wíhcikémakanwaa. Simákanisi séwinákan, ástawéwi otápánásk, awéka pimácihiwéwi otápánásk kahkinaw sémák awéna kiskénitam ékota awiyak kita takopanit kita pamihtát kékwániw animéniw éká ká-kwayask ispanik. Pítos máka wina nína nitisi itwéstamowátén óho ká-isi-tépihtamahk. Pimáci séwinákanak wina nína niténimáwak tápiskóc anikik mémékwésiwak ká-isi-wínihcik, akwa ká-kí-mihcétwá nipahácik otakanásiwak, é-kakwé kaskihácik akwa é-kakwé sákihácik.
• Kwéstáci naméwak –  Máwac é-wani-nisitohtawáyahkok. Maskawisíwak, pimácihowak akwa minonákosiwak. Nitácimáwak mihcét pisiskiwak nipíhk  askíhk akwa kísikohk ohci.
• Nisowanáci címána –Pé-kayás ohci, kí-iténitákwan é-ki-kiskénitákwahki. é-kí-ápatahki pimásowi címána kita nótinikániwahk akwa kita ati tipénitákwahki mihcét kékwána. Otakanásiwak kí-miniwénihtamwak kita ápahcihtácik óho mistahi pimásowi címána kita miskahkik,  otinahkik, akwa kita nisinawácihtácik pítos askiya, pítos ayamiwina, akwa isihcikéwina. Éwako towihkán masinástéwin ká-kakwé withaman é-ati isi wápajhtamán. Pawámowina nitápacihtán kita isinákohtáyán anihi ká-osihtáyán kiyám wina éká kita kí-ihkihk nitisi oshtán akwa nimasinipéhikán. Éwakwani óho ká-isi-pawátamán nitápacihtán kita isinákohtáyán óho nitósihcikana.