“Nípákésímowin”
Ká Nókopaniki ká Makonaman kí Cikástécicikana
Kris Snowbird
“Nípákésímowin”
Lori Blondeau kákí wíkomit ta níkánístamákét
Tánispík óma ké nókotániwak, Matinéwi kísikáw 27, 2021 éko 7 pm ispanici písimokán
Éko anta ká nókopaniki ni cikástésimonáni isko Niski Písim 1, 2020
Otáspasinahikéw Opíkiskwéwin
Anima Nipákésimowin nókotáwin isícikéwin éyako é nókotániwak é isi oski níminániwak anima séwépitasákayésimowin. Anima miskotákay ékí oci ositániwak ékí mámawakotáticik séwépitakocikana éko píwápisko kipowéwikana ékí ápataki ta ositániwaki éyako. Anima nikamon éko ká isi nímítonániwak ékwéniw anihi é mámawi ápataki nántaw ta itácinókániwak. Anima ká isi níminániwak ékwani pítamá é natotakik ké isi nikamonániwak éko éyako ké pimitasayakik ta nímitotakik ké isi nisitotakik. Ékwéniw oci, anihi ké ititákoki píwáspisko kinápowéwikanisa éko anihi séwépitákocikana ékwéniw ké isi nímicik éko ké isisimocik. Ana onímíto mitoni pá péyakwan éténitákok anima ká isisimot é natotak anima nikamon. Anihi ká napakáki píwápisko kipahikana é mámawakamoki é ápataki acanisi sakáskahona kita píwápisko wásikopanik anima miskotákay. Óma ká isícikáték oski miskotákay é kiskisomikoyán óma papéyatakénimowi nákacihitowin éko mino natahiwiwéwin. Anima itowa nistom nímítowi séwénicikániskotákay kí wéténinákon máka kí nókotániwan óma é minawákacikáték omaskawátisiwin éko okisténitákosiwin awa iskwéw. Náspic kisténitákon óma ká isi ápatak é nátawihikémakak miskotákay éko anima ká isi nímítotakik énánaskinótawácik écíkákótakik óma Kanaté Askíy. Niká nímin ispík kikiskamáni itowa miskotákay éko ké ati ititákok anima nikamon ispík máci sipwésimonáni éko anima ké ati yá isisimoyán. Ékwánima oci, anima ké isisimóyán ékwáni anima ké ititákok ká kikiskamán miskotákay éko ékwánima ká pétamán nína anima ká isi séwénitáyan éyako. Anima ké isi pétáko-kinawénicikáték ékota ta nókon ké isismoyán éko mina tánisi étitákok anima niskotákiy óma ká ati wawéníyán ta nímiyán. Ní kinawénitén tánisi étitákoki anihi kékwána kákí itótásoyán tápiskóc anima ká sékahosoyán éko ká apikátisoyán; éko é ayamitotamán anima kayité óma kákípé isi nimihitonaniwak éyako. Kákí cikástétitácik kita kinawénicikáték Theo Pelmus éko kí ati nanahisítáw kawisk kita ititákok awa Bret Parenteau. Kákí cikástétitácik kita kinawénicikáték Theo Pelmus éko kí ati nanahisítáw kawisk kita ititákok awa Bret Parenteau. Éko anima kotak ké ati nókotáyán nímihitowin, nika sipwétán acinaw ta natawi méskwacíyán ta natawi posciskamán anima kayási séwépitakocikana miskotákay éko táti nimíyan éyako kikiskamani kákí isi níminániwak kayité. Anima kayásisimowin móna náspic kí isi mamátáwisimowak móna tápiskóc ká isi nókotácik anohc ká kísikák. Anima kayási nímihitowin móna oci tawinamawáw ta nókoninik oskáta ana iskwéw ká nímit, éko mina móna takí pá pásici takoskéw oskáta éko piko tápitaw anima péyak kisit ta sámiskák askíy.
Awina awa/nína
Awa Kris Snowbird ékwénák ékí mátatoskátak nanátok isi cikástésimona éwí nókotát éyako éko nanátok isi nímihotowina, cikástésimona éko cikastécicikanan ta ápacitát. Ayík ocíw awa Pine Creek First Nation éko otópikihiwéwa Ininiwa éko Nakawéwininiwa. 2015 kákípé askíwak kí wícihiwéw anté Foundation Mentorship Program anté Mentoring Women for Women’s Art (MAWA), éwítatoskémát oníkánakisowa Natalia Levedinskaia. Snowbird nistom kákí ositát cikástésimonis SWEAT óma 2016 kákípé askíwak, éko ókik kí tipayamwak éyako Winnipeg Film Group’s Mosaic Women’s Film Fund. Aspin oci 2016, anima SWEAT mékwác papá nókotániwan ésinákok anta ká nókopaniki ki cikástécicikana VUCAVU éko mékwác papámótatániwan ta nókotániwak ité ká wápatiniwécik cikástécicikana tápiskóc óhi 2016 Gimli Film Festival (Gimli, MB), Native Spirit Film Festival (London, England); 2017, VIMAF (Vancouver, BC), Hot Docs, (Toronto, ON), Asinabka Film & Media Arts Festival (Ottawa, ON), St. John’s International Women’s Film Festival (St. John’s, NL), ReFrame Film Festival (Peterborough, ON), Grande rencontre des arts médiatiques en Gaspésie (Percé, QC); éko 2019 Cinéma Oblò, (Lausanne, Switzerland), Cinéma Spoutnik, (Geneva, Switzerland) éko anté Canadian Film Institute (Ottawa, ON). Awa Snowbird kí wíci wápatiniwéw anihi kákí itótak é wítatoskémát wícéwákana, Theo Pelmus éko ékoté óma ékosi kákí itótakik 2015, 2016 éko 2017 Winnipeg Nuit Blanche isicikéwin, 2017 LIVE Biennale of Performance Art (Vancouver, BC), 2018 Cluster Festival (Winnipeg).