About Urban Shaman

NITITÉNITAMOTOSKÉWINAN

Anima Urban Shaman Ininiwak pimipanitáwak ta ayácik nántaw ité ta itotécik anikik otáspasinakéwak natawénitakwáki nántaw kékwániw éko ékwánima kita ápacitácik óma nanátok wí nóté isi wápatiniwécik anihi otáspasinahikéwina éko mína kiyám piko ké isi nócitácik ékwéniw máka mína wínawáw takí níkánístakik óma káwí ositániwaki anihi nanátok isi Ininíwi táspasinahikéwina éko kawisk itiwin é isi kinawápacikátéki máka mína péyakwan ékospík é nókotániwaki anihi pápakán Ininiwak otisi kayásk pamácihoniwáw.

VISION

Urban Shaman presents contemporary Indigenous Aboriginal art with integrity while remaining rooted in our diverse Aboriginal cultures.

ITASIWÉWIN

Anikik Urban Shaman Contemporary Aboriginal Art ká iticik kiskénimáwak óma éníkánakisocik épaminakik anihi Ininíwi táspasinahikéwin mino paminikéwina éko é níkánístakik óma ta nókotániwaki nántaw ité isi éko kita pétákok óma étakok Ininíwi táspásinahikéwin óta Canada. Óma wésám piko kákí nócitáyak kita mácitáyák mino paminikéwin éko oski nántaw isi é wápatinikéyák éyako awasimé nitati kiskénimikawinán éko mína awasimé é ati itakamikisiyak ékwéniw oci. Anikik Urban Shaman é tápitawi nákatawénimácik kita wíciyácik anikik Ininíwi táspasinahikéwa éko isi piko mína kakinaw anihi awiyakak nanátok táspasinahikéwina ká nócitácik.

Épakitinisocik kita tápitawi wíciyácik piko kékwániw ké isi natawénitakik anikik óma ká oski mácitácik, asay óma ékosi ká isi pimácihocik, éko anihi Iníniw táspasinahikéwak ká tápitawi itótakik óma inikok éwápatiniwécik anihi nanátok kékwána kákí ositácik éko mína mino paminikéwina, mámawatoskéwina, kita kiskinawámákániwaki, éko kita ati níkánístakik ékwéniw.
Wésam piko é nócitácik kita wícihiwécik anihi oci kayási táspasinahikewina éko kayási pimacihona kákí wanicikátéki wéká wanitótamonániwaki óta ká ayáyák, óta nitaskínák, éko mína óté misiwéskamikok.
Étápitawi nócitácik óma ta níkánístakik kita takoki nántaw ité ta nócitániwaki anihi nanátok isi táspasinahikéwin ositáwina, kiskinawámákéwin éko ta minénitakok anihi anohc táspasinahikéwina ká ápacitácik éko ká itotakik éko kita oci sókénimisocik óma ká ositácik anikik Ininiwak.

Móna kékwán tátékác kita tipahikéyan óma óté tapé itotéyan nókotawikamikok.

Kékí isi miskaman kiskénitamowina anima oci Urban Shaman Inc. ká itakik.

Urban Shaman Inc. mwác takon ité náspic takí wésci itotániwak.

Pákaciy ká pítakoyani anta wápatinohikamik, makitawáw éko wétan kita papámotániwak, ékwánima piko áskaw kika kiposkákon anihi anta ká cá cimatéki piwápiskwa.

Anikik otatoskéwak náspic kita cíkénitamwak ta wícihiskik nántaw ké isi natawénitaman. Pé isitisayamawinán anihi kí masinahikéwina óté isi info@urbanshaman.org wéká oté pé isi ayamihinán 204-942-2674 kitapé wítamawiyák tánisi óma kékí isi nahistáyák kékwána kitapé mino papamotéyan óta.