Wihtamákéwin Isihcikéwina
Oski Wícéwákanitowak Itáwinihk Mitéwi Masinástéwin (Urban Shaman Gallery) akwa Wínipék Méskanása (Winnipeg Trails Association) óta Wihtamákéwin Isihcikéwina (“The Speech Act Project”)
Wihtamákéwin Isihcikéwina
Mwéhci Ké-Tócikaték
Itáwinihk Mitéwi Ininiwi Masinástéwin (Urban Shaman Gallery), akwa Wínipék Méskanása (Winnipeg Trails Association) kí-wíci-níkánískamwak kita awasimé pimácihtániwahki akwa mína ápatahki Ininiwi ayamiwina, ékota ohci kita kiskéwnihtákwahki, kahkinaw awiyak ácimowinihk akwa masinahikéwinihk. Kahkinaw ayamiwina páhpítos isi wíhcikémakana tápwéhtamowina, kiskénitamowina, iténitamowina, akwa kékwán ká-ohci itwániwahki. Awiyak otayamowin, otitwéwin wíhcikémakaniw é-isi-mámitonénihtahk akwa mína nókohtáw otiténitamowina anima ká-mohci tótahk poko.
Óma wanasowéwi isihcikéwinis, ápacihtáw masinahipéhikana kita wíhtahk ininiw okiskénihcikéwin akwa éká kita wanihtácik animéniw ininiwi otayamowiniwáwá.
Mácikostán wápahta:
Apiwin Astániwan wíci ana Ryan Gorrie
Ryan Gorrie akwa Brook McIlroy Inc., wí-osihtáwak oski nahkihtáwin anita North Winnipeg Parkway Pikwacáyisihk Michelle Jean ékota anima Norquay Community Centre. – apiwin kita natohcikáték! Awasime nawac kita wícikátéw ispí kéyápic kiskénitákwahki osihicikéwin akwa pakosénimowina.
Ryan Gorrie kí-pé-wíci-atoskéméw Brook McIlroy aspin ochi askiy (2009), ispí é-kí-kanawénimiht kita kapé wíco-atoskémát óho ká-níkánínit oté ohci Pinésí Wásaháhk (Thunder Bay), akwa wína tipináw níkánískam aspin ohci askiy (2016) oméniw Wínipék ká-asték atoskéwikamik é-itwániwahk Winnipeg Inininwi Masinástéwikamik (Winnipeg Design Studio.)
Ryan oté ohcíw Bingwi Neyaashi Anishinaabek (Sand Point First Nation on Lake Nipigon) akwa kikinam ininiwi kiskénitamowin akwa tápwéhtamowin ita ká-osihtániwahki kayási kékwánisa ká-ápathaki é-mámawínániwahk, akwa mína é-misáki osihcikéwina. Kí-mínáw óta Mánitowapáhk (Manitoba) kita ápacihtát okiskénitamowin.
Askiy (2018), Ryan otatoskéwin kí-nókohtániwaniw é-icikáték: Tépihtákosiwina askíhk (Voices of the Venice Biennale) akwa mína kotakiyak ininiwi osihcikéwak óta misiwé Mihkináwi Minisitikohk, (Turtle Island). Otósihcikéwina akwa otatatoskéwin kí-kiskénihcikáténiw misiwé ité ohci tápiskóc ókok Ontario Association of Architects, Royal Architectural Institute of Canada, akwa Ontario Wood Works. Kayahté mína kita sóhkiskahk ininiwi kiskénihcikéwin akwa osihcikéwin, kí-wícihéw óho Brook McIlroy kita miskaminit ápacihtáwina kita ápacihtániwahki ita ká-osihtániwahki atoskéwina. Kiskinwáhamowéw mína ininiwa akwa oskátisa kita atoskénit ékota kéhciwák ká-tipénitahk atatoskéwikamik.
Nókohtáwina misiwé – Wí-mihcétinwa ininiwi ácimowina
Poko ispí kita kí-nókwana kita kí-kwayask kinawápahcikátéki. Nika wíci atoskáténán pítos nókohtáwi ápacihtáwina poko ité kita nókwahki akwa kita péhtákwahki kayási ácimowina. Namóna céskwa nawasónikátéw wínawin. Kita nókwana kiskinohtahikanihk óho ácimowina akwa mína ité ká-ohcímakahki, poko ispí, é-kískiká ahpo é-tipiskák. Nókohtáwina anihi wíhcikátéw kisáspin óma ácimowin, masinipéhikan, nikamon, awéka pítos ininwi wíhtamákéwin. Ninatwéniténán ininiwi ayamihcikéwin kita nówahk misiwé wanawítimihk akwa ita méskanáwa ká-ihtakwahki.
Itwéwin anohc ohci ká-kísikák
Ininímowin akwa Anishinábémowin kí-mósak kiskénitákwana. Kiskinwáhamákéwin Inininwi ayamowina kita kí-pimácihtániwana asici kotakiya ininiwi ayamowina óta Mihkináhk Ministik. Isinákwanawa akwa itwéwina kita wícihémakwana kita kiskinwáhamákoyahk. Itwéwinisa/itwéina kita nókwana ita ká-ayáyan mékwác, tápiskós “papámohtétán” (let’s go for a walk”), “tánsi” (hello), akwa mína anihi kéhciwák ká-wápahtaman kékwána, tápiskóc”sípiy” (river).
Kiskénita Ayamiwin asici B (KAB)
KAB kita nókwan tahto kísikáw, Ininímowin akwa Anishinábémowin é-ápachtániwahki, “péyak itwéwinis tahto kísikáw” óma iskwác askiy 2021. Tahtwá é-ispanik, Brennen Mackay (B) kika péhtén akwa Brennan, asici okiyókéw kika wícihikowáw kita kaskihtáyan é-itwéyan anima itwéwinis. Nipakoséniténán michet awiyak kita kiskénitahk Ininiwi akwa Anishinábé itwéwina akwa itwéwinisa, akwa kita cíhkénitahihk é-kiskinwáhamáhcik wístawáw kita ati kiskinwámowácik pítos awiya.
Éwako towíhkán Wihtamákéwin Isihcikéwina Ká-pakosénimot kita mácihtát takwákihki óma askiy 2021.
Kakwé wícihtá óma pakosénimowin, kipakitinikéwin kita nókwan Itáwinihk Mitéwi Ininiwi Masinástéwin Wíhtamákéwin (urbanshaman.org) akwa mína misiwé nókohtáwinihk (kita wíhcikátéw), ékota méskanása ká-astéki kita wápahcikátéki.
Poko tániwé wícihi mékiwin kita ápatan ékota ká-tócikáték. Pakosénitákwan niyánanwá kihci mitáhtomitanaw sóniyáw ($5000.00)kita osihiht. Kisáspin namóna kiwí-wíhtén é-pakitinékéyan kika “awiyak ká-pakitinikét” kika isi wínikawin poko.
Kiwí-wíhtén ná sipwé/papási masinahikanihk óma ká-tócikáték? Kika nanáskomitinán. Ninatawéniténán Winnipeg akwa misiwé Manitoba, akwa askíhk ininiwi ayamowina é-ápacihtániwahki akwa awasime é-wí-kiskénitamahk. Wíhtamáké é-isi-isihcikániwahk, méskanáhk akwa cikástésimona ékota sipwé papási ayamiwinihk, akwa MbIndigenous Lanaguges.
Nanáskomáwak owícihiwéwak…
The Trans Canada Trail
The Asper Foundation
First Unitarian Universalist Church of Winnipeg
Government of Canada
.