Néwo ihkina
Pimáci Ácimowin
Brennan Mckay minisiwi ininiw Minahiko Sípisihk (Pine Creek) ohci óta Manitoba askiy. Kí-kiskinwáhamásow kita isi cikástéhcicikét, akwa mína kita moniyáwisimot ispí mitátaht nistosáp é-tahto askiwinét. Minhcét towíhkán awiya kí-pé-wíci- atoskéméw.
Brennan nistam kí-mínáw cikástéhcikaniw mitátaht é-tahto askíwinét, pátimá máka askiy 2019, é-kísihtát ká-kiskinwáhamáht óta kiskinwáhamikamikohk (CDI College’s Social Media Markweting) ká-kí-ati cíhkénitahk kita cikástéhcicikét. Brennan minwénitam é-pimótéhot, akwa é-cikástéhtitát askíniw ká-isinákwanik kápe pipon, síkwan, nípin akwa takwákin, *néwo ihkina.
Cikástéhcikani wíhtamákéwin
Mékwác óma ká-kí pé osihtáwáspinániwahk kí-miskam mihcét kékwán kita cikastéhtitát óta Wínipékohk (Winnipeg). Ká-minwásiki mihcét kékwána ká-kí-miskahk ki-síhkiskák awasimé kita minménitahk óma ká-cikástéhcikét.
Mékwác é-wápahtahk mihcét asíhk kékwána, kí-iténihtam kita kí-kinikawinahk Ininiwi ayamiwina awasimé kita pimácihtát akwa kotakiya ininwi ayamiwina. Pawahcakinasís pisim askiy 2021 ki-mácihtáw “péyak ininíwi itwéwin tahto kískikáw” óho ohci Nahkawéwin akwa Néhinawéwin kahkinaw awiyak kita kiskénihtahk, éwako óma The Speech Act Project.
Tahto itwéwinisa pápítos isi wíhtamákéwa, asici mína ayamowina akwa mámitonénicikana, akwa mína kékwán ká-ohci isi itwániwahki. Isi tápwéhcikátéw poko towíhkán ayamiwin é-ayamit awiyak, ohcitaw poko kita wíhcikémakahk kékwán, akwa mína kekwán ká-ohci ekosi itwániwahk akwa mína anima poko kita tócikáték.
Wacíhk, misiwé askiy ité éka awiyak é-ayát, ékota máwac é-ohcipanik kiskénitamáwin ayamiwinihk isi. É-wápahcikátéki askíwi kékwána akwa mína é-péhtaman wacíhk ké-ohcímakahki ká-tépihtaman, náspic ki-ásténimowiskákon. Pakosénimowin ihtakwan kita ékosi péyakwan itiskákoyan é-kiyokátaman óma nókohtáwikamik akwa péskis kita ati kiskénitaman Ininiwi ayamiwina. Wacíhk é-ayáyan, kimínikon payahtakénimowin, askíhk kita ohci kiskénitaman kitayamiwinána.